“ವೊಕಲ್ ಫಾರ್ ಲೋಕಲ್, ಗೋ ಗ್ಲೋಬಲ್” ಎಂಬ ಆಶಯಕ್ಕೆ ಸ್ಪಂದಿಸಿ, ಭಾರತದ ಸ್ವದೇಶಿ ಡಿಜಿಟಲ್ ಪೇಮೆಂಟ್ ವೇದಿಕೆ ವಿಶ್ವಾಸಪೇ ಯುಪಿಐ ಬೋಲ್ಟ್ ತನ್ನ ಯಶಸ್ವಿ ಪ್ರಯಾಣವನ್ನು ಆಚರಿಸಿತು. ಈ ಸಂದರ್ಭದಲ್ಲಿ ಸ್ವದೇಶಿ ತಂತ್ರಜ್ಞಾನದಿಂದ ಅಭಿವೃದ್ಧಿಪಡಿಸಿದ ಈ ಆ್ಯಪ್ ದೇಶದ ಡಿಜಿಟಲ್ ಕ್ರಾಂತಿಯ ಹೊಸ ಅಧ್ಯಾಯವನ್ನು ಬರೆದಿದೆ.
ವಿಶ್ವಾಸ್, ಉದ್ಯಮಿ ಹಾಗೂ ಸಂಸ್ಥಾಪಕರು, ಅವರು 2024ರ ಜುಲೈ 27ರಂದು ಅಧಿಕೃತವಾಗಿ ಈ ವೇದಿಕೆಯನ್ನು ಆರಂಭಿಸಿದ್ದು, ಇಂದಿಗೆ ಲಕ್ಷಾಂತರ ಬಳಕೆದಾರರ ವಿಶ್ವಾಸವನ್ನು ಗಳಿಸಿದೆ. ಎನ್ಪಿಸಿಐಯ ಯುಪಿಐ ವ್ಯವಸ್ಥೆಯೊಂದಿಗೆ ಪೂರ್ಣವಾಗಿ ಸಂಯೋಜಿಸಲ್ಪಟ್ಟಿರುವ ವಿಶ್ವಾಸಪೇ ಯುಪಿಐ ಬೋಲ್ಟ್ ಸುರಕ್ಷಿತ, ಸುಲಭ ಮತ್ತು ಬಹುಮಾನಾಧಾರಿತ ಪೇಮೆಂಟ್ ಅನುಭವವನ್ನು ನೀಡುತ್ತದೆ.
ಗುರುವಾರದಂದು ಈ ವೇದಿಕೆ ಪೇಮೆಂಟ್ಗಳಿಗಿಂತ ಹೆಚ್ಚಾಗಿ ಉದ್ಯೋಗ ಹಾಗೂ ಶಿಕ್ಷಣ ಕ್ಷೇತ್ರಗಳಲ್ಲಿಯೂ ಸಹ ಬದಲಾವಣೆಯತ್ತ ಹೆಜ್ಜೆ ಇಟ್ಟಿದೆ. ವಿಶ್ವಾಸ ಜಾಬ್ ಪೋರ್ಟಲ್ ಮೂಲಕ ಸ್ಥಳೀಯ ಉದ್ಯೋಗಾವಕಾಶಗಳನ್ನು ಉಚಿತವಾಗಿ ಒದಗಿಸಲಾಗುತ್ತಿದ್ದು, ಎಕ್ಸಾಮ್ ಮಿತ್ರ ಮೂಲಕ ವಿದ್ಯಾರ್ಥಿಗಳಿಗೆ ಹಳೆಯ ಪ್ರಶ್ನೆಪತ್ರಿಕೆಗಳು ಮತ್ತು ಮಾದರಿ ಪರೀಕ್ಷೆಗಳನ್ನು ಉಚಿತವಾಗಿ ನೀಡಲಾಗುತ್ತಿದೆ.
“ನಮ್ಮ ಉದ್ದೇಶ ಕೇವಲ ಪೇಮೆಂಟ್ ಮಾಡುವುದಲ್ಲ. ವಿಶ್ವಾಸಪೇ ಯುಪಿಐ ಬೋಲ್ಟ್ ದೇಶದ ಪ್ರತಿಯೊಬ್ಬರಿಗೂ ರೈತರಿಂದ ವಿದ್ಯಾರ್ಥಿಯವರೆಗೂ ಡಿಜಿಟಲ್ ಶಕ್ತಿ ಮತ್ತು ಆತ್ಮನಿರ್ಭರತೆ ನೀಡುವ ಉದ್ದೇಶ ಹೊಂದಿದೆ. ಸ್ವದೇಶಿ ಆವಿಷ್ಕಾರವೂ ಜಾಗತಿಕ ಮಟ್ಟ ತಲುಪಬಹುದು ಎಂಬುದನ್ನು ನಾವು ಸಾಬೀತುಪಡಿಸುತ್ತಿದ್ದೇವೆ,” ಎಂದು ಸಂಸ್ಥೆಯ ವ್ಯವಸ್ಥಾಪಕ ನಿರ್ದೇಶಕ ವಿಶ್ವಾಸ್ ಹೇಳಿದರು.
ಆ್ಯಪ್ನ ಕ್ಯಾಶ್ಬ್ಯಾಕ್ ಮತ್ತು ಬಹುಮಾನ ವ್ಯವಸ್ಥೆ ಬಳಕೆದಾರರಿಗಾದ ನಿಜವಾದ ಮೌಲ್ಯವನ್ನು ನೀಡುತ್ತಿದ್ದು, ಭಾರತದಿಂದ ಜಾಗತಿಕ ವೇದಿಕೆಯತ್ತ “ಆತ್ಮನಿರ್ಭರ ಭಾರತ”ದ ದೃಷ್ಟಿಕೋನವನ್ನು ತಲುಪಿಸಲು ವಿಶ್ವಾಸಪೇ ಯುಪಿಐ ಬೋಲ್ಟ್ ಸಜ್ಜಾಗಿದೆ. ಈ ಅದ್ದೂರಿ ಕಾರ್ಯಕ್ರಮವು `ಚಿತ್ತಾರ’ ಸಂಸ್ಥೆಯ ಸಹಯೋಗದೊಂದಿಗೆ ನೆರವೇರಿತ್ತು.
