ಬೆಂಗಳೂರು: ದಿವಂಗತ ಪುನೀತ್ ಹುಟ್ಟಿದ ಹಬ್ಬದ ಹಿನ್ನೆಲೆ ಅವರ ಅಭಿಮಾನಿಯಾಗಿರುವ ನಟಿ, ಬಿಗ್‌ಬಾಸ್ ಸ್ಪರ್ಧಿ ನಮ್ರತಾ ಗೌಡ ಅವರು ಅನ್ನದಾನ ಮಾಡಿ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.ಮಾರ್ಚ್ 17ರಂದು ದಿ.ಪುನೀತ್ ರಾಜಕುಮಾರ್ ಅವರ ಬರ್ತಡೇಯನ್ನು ರಾಜ್ಯದಾದ್ಯಂತ ಸ್ಫೂರ್ತಿ ದಿನವನ್ನಾಗಿ ಅವರ ಅಭಿಮಾನಿಗಳು ಆಚರಿಸಿದ್ದರು.ಅದರಂತೆಯೇ ‌ಅಪ್ಪು ಅಭಿಮಾನಿಯಾಗಿರುವ ಬಿಗ್‌ಬಾಸ್‌ ಸ್ಪರ್ಧಿ ನಮ್ರತಾ ಅವರು ಇನ್‌ಸ್ಟಾಗ್ರಾಂನಲ್ಲಿ ವಿಡಿಯೋವೊಂದನ್ನು ಹಂಚಿಕೊಂಡು, ಟು ಡೇ ಈಸ್ ಮಾರ್ಚ್ 17, ಎಸ್ ಮೈ ಬಾಸ್ ಪುನೀತ್ ರಾಜಕುಮಾರ್ ಅವರ ಹುಟ್ಟಿದ ಹಬ್ಬ, ಇವತ್ತು ನಾನು ನನ್ನ ಕೈಲಾದಷ್ಟು ಸಹಾಯವನ್ನು ಮಾಡ್ತ ಇದ್ದೀನಿ. ಹಾಗೂ ಇದನ್ನೇ ನಾನು ಪ್ರತಿ ತಿಂಗಳ 17ರಂದು ಮಾಡುತ್ತೇನೆಂದು ವಿಡಿಯೋವನ್ನು ಹಂಚಿಕೊಂಡಿದ್ದರು.