ಕಿಚ್ಚ ಸುದೀಪ್ ತಮ್ಮ ಕಿಚ್ಚಾಸ್ ಕಿಂಗ್ಸ್ ಬೆಂಗಳೂರು ತಂಡದೊಂದಿಗೆ ಮುಂಬೈನಲ್ಲಿ ನಡೆಯಲಿರುವ ಇಂಡಿಯನ್ ರೇಸಿಂಗ್ ಫೆಸ್ಟಿವಲ್ (IRF) ಗ್ರ್ಯಾಂಡ್ ಫೈನಲ್ನಲ್ಲಿ ಭಾಗವಹಿಸುತ್ತಿದ್ದಾರೆ. ನಟನೆಯ ಜೊತೆಗೆ ಕ್ರೀಡೆಗೆ ಅಪಾರ ಆಸಕ್ತಿ ಹೊಂದಿರುವ ಸುದೀಪ್, ಈಗ ಕಾರ್ ರೇಸಿಂಗ್ ಜಗತ್ತಿಗೂ ಕಾಲಿಟ್ಟಿದ್ದಾರೆ.
ಈ ಫಿನಾಲೆಯ ವಿಶೇಷತೆ ಎಂದರೆ, ಮುಂಬೈನಲ್ಲೇ ಮೊದಲ ಬಾರಿಗೆ FIA-ಗ್ರೇಡ್ ಸ್ಟ್ರೀಟ್ ಸರ್ಕ್ಯೂಟ್ ಸಿದ್ಧವಾಗಿದೆ. ನವಿ ಮುಂಬೈನ 3.753 ಕಿಮೀ ಉದ್ದದ ಈ ಟ್ರ್ಯಾಕ್ನಲ್ಲಿ ಒಟ್ಟು 14 ತಿರುವುಗಳಿದ್ದು, ಐಕಾನಿಕ್ ಪಾಮ್ ಬೀಚ್ ರಸ್ತೆಯಿಂದಲೇ ರೇಸ್ ಆರಂಭವಾಗಲಿದೆ. ಭಾರತ ಹಾಗೂ ಅಂತರರಾಷ್ಟ್ರೀಯ ರೇಸರ್ಗಳು ಈ ವೇದಿಕೆಯಲ್ಲಿ ತಮ್ಮ ವೇಗ ಮತ್ತು ಕೌಶಲ್ಯ ಪ್ರದರ್ಶನ ಮಾಡಲಿದ್ದಾರೆ.
ಮಹಾರಾಷ್ಟ್ರ ಸಿಎಂ ದೇವೇಂದ್ರ ಫಡ್ನವೀಸ್ ಈ ಕುರಿತು ಖುಷಿ ವ್ಯಕ್ತಪಡಿಸಿ, “ನವೀ ಮುಂಬೈಗೆ ಭಾರತೀಯ ರೇಸಿಂಗ್ ಫೆಸ್ಟಿವಲ್ ತರಲು ನಮಗೆ ಹೆಮ್ಮೆ. ಇದು ರಾಜ್ಯದ ಮೋಟಾರ್ಸ್ಪೋರ್ಟ್ ಪಯಣದ ಹೊಸ ಮೈಲಿಗಲ್ಲು ಹಾಗೂ ಪ್ರವಾಸೋದ್ಯಮಕ್ಕೂ ಉತ್ತೇಜನ ನೀಡುತ್ತದೆ” ಎಂದು ಹೇಳಿದ್ದಾರೆ.
ಸೆಲೆಬ್ರಿಟಿಗಳ ತಂಡಗಳು ರೇಸ್ನಲ್ಲಿ
ಈ ಬಾರಿ ಸುದೀಪ್ ತಂಡದ ಜೊತೆಗೆ ಹಲವಾರು ಸೆಲೆಬ್ರಿಟಿಗಳ ತಂಡಗಳು ಕೂಡ ಪೈಪೋಟಿ ನಡೆಸಲಿವೆ:
- ಜಾನ್ ಅಬ್ರಹಾಂ – ಗೋವಾ ಏಸಸ್ JA ರೇಸಿಂಗ್
- ಅರ್ಜುನ್ ಕಪೂರ್ – ಸ್ಪೀಡ್ ಡೀಮನ್ಸ್ ದೆಹಲಿ
- ಸೌರವ್ ಗಾಂಗೂಲಿ – ಕೊಲ್ಕತಾ ರಾಯಲ್ ಟೈಗರ್ಸ್
- ನಾಗ ಚೈತನ್ಯ – ಹೈದರಾಬಾದ್ ಬ್ಲಾಕ್ಬರ್ಡ್ಸ್
- ಡಾ. ಶ್ವೇತಾ ಸುಂದೀಪ್ ಆನಂದ್ – ಚೆನ್ನೈ ಟರ್ಬೋ ರೈಡರ್ಸ್
RPPL ಈ ಹಿಂದೆ ಹೈದರಾಬಾದ್ ಮತ್ತು ಚೆನ್ನೈನಲ್ಲಿ ಯಶಸ್ವಿ ರೇಸ್ಗಳನ್ನು ಆಯೋಜಿಸಿದ್ದು, ಈಗ ಮುಂಬೈನಲ್ಲೂ ವಿಶ್ವಮಟ್ಟದ ಸ್ಪರ್ಧೆಗೆ ವೇದಿಕೆ ಕಲ್ಪಿಸಿದೆ.
