ಶಶಾಂಕ್ ಅವರ ನಿರ್ದೇಶನದಲ್ಲಿ ಬಂದ ‘ಕೌಸಲ್ಯ ಸುಪ್ರಜಾ ರಾಮ’ ಚಿತ್ರದ ‘ಪ್ರೀತಿಸುವೆ’ ಎಂಬ ಸುಮಧುರ ಹಾಡು ಎಲ್ಲರ ಪ್ರೀತಿಗೆ ಪಾತ್ರವಾಯಿತು. ಆ ಚೆಂದದ ಹಾಡಿಗೆ ಧ್ವನಿಯಾಗಿದ್ದು ಸುಶ್ರಾವ್ಯ ಕಂಠದ ಗಾಯಕಿ ಪೃಥ್ವಿ ಭಟ್. ‘ಕೌಸಲ್ಯ ಸುಪ್ರಜಾ ರಾಮ’ ಚಿತ್ರದ ಗಾಯನಕ್ಕಾಗಿ ಪೃಥ್ವಿ ಭಟ್ ಅವರಿಗೆ CHITTARA BEST PLAYBACK SINGER FEMALE-2024 ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.
ಪ್ರಶಸ್ತಿ ಸ್ವೀಕರಿಸಿದ ಬಳಿಕ ಮಾತನಾಡಿದ ಪೃಥ್ವಿ ಭಟ್ ಅವರು, `ತುಂಬಾ ಖುಷಿ ಆಗ್ತಾ ಇದೆ. ಮೊದಲಿಗೆ ಚಿತ್ತಾರ ಮ್ಯಾಗಜಿನ್ ಅವರಿಗೆ ಧನ್ಯವಾದ ಹೇಳುವುದಕ್ಕೆ ಇಷ್ಟಪಡುತ್ತೀನಿ. ನನ್ನ ಪ್ಲೇ ಬ್ಯಾಂಕ್ ಸಿಂಗರ್ ಜರ್ನಿಯಲ್ಲಿ ಇದು ಮೊದಲ ಅವಾರ್ಡ್. ನನ್ನ ತಂದೆ ತಾಯಿಗೆ ಈ ಅವಾರ್ಡ್ ಅನ್ನು ಡೆಡಿಕೇಟ್ ಮಾಡುತ್ತೇನೆ. ಚಿತ್ತಾರ ಸಂಸ್ಥೆಗೂ ತುಂಬು ಹೃದಯದ ಧನ್ಯವಾದ ತಿಳಿಸುತ್ತೇನೆ’ ಎಂದಿದ್ದಾರೆ.
